දිනකට ලංකා ද්වාර ගෙවුම් බිහිදොර භාවිතා කරන්නන්ගේ සංඛ්යාව තුන් දහස ඉක්මවයි.
අන්තර්ජාලය ඔස්සේ වීසා නිකුත් කිරීමේදී ඒ සඳහා ගාස්තු ගෙවීම ලංකා ද්වාර ගෙවුම් බිහිදොර හරහා සිදුවන බව ICTA ආයතනය පවසයි.
ශ්රී ලංකාවේ ප්රථම රාජ්ය අංශයේ තොරතුරු තාක්ෂණ ගෙවුම් බිහිදොර වන ලංකා ද්වාර ගෙවුම් බිහිදොර ඉතා සාර්ථකව මේ වන විට ක්රියාත්මක වන බව ආගමන හා විගමන දෙපාර්තමේන්තුව ප්රකාශ කරයි.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනය විසින් සකස් කරනු ලැබු ලංකා ද්වාර තොරතුරු තාක්ෂණ ගෙවුම් බිහිදොර තුලින් අනාගතයේදි සියලු රාජ්ය සේවා සඳහා ගෙවීම් කිරීමට හැකිවන බව ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ සභාපති ජනාධිපති උපදේශක මහාචාර්ය P.W. ඈපාසිංහ මහතා ප්රකාශ කලේය.
මේ වසර මුල සිට ශ්රී ලංකාවට පැමිණෙන සියලුම සංචාරකයින්ට අන්තර්ජාලය ඔස්සේ වීසා බලපත්ර ලබා ගැනීම අනිවාර්ය කර තිබේ.
දින අටක් තුල 24,000 කට ආසන්න සංචාරකයින් පිරිසක් ලංකා ද්වාර ගෙවුම් බිහිදොර භාවිතා කරමින් අදාල වීසා බලපත්ර සඳහා ගෙවීම් කර ඇතැයි සභාපති වරයා කීය.
ඉතා ආරක්ෂිතව හා පහසුවෙන් ලංකා ද්වාරය ඔස්සේ මේ සඳහා මුදල් ගෙවීමට අවශ්ය විධි විධාන යොදා ඇති බව සභාපති මහාචාර්ය P.W. ඈපාසිංහ මහතා ප්රකාශ කලේය.
දිනකට තුන් දහසකට ආසන්න විදේශිකයින් පිරිසක් වීසා බලපත්ර ලබා ගැනිමට ලංකා ද්වාරය තුලින් මුදල් ගෙවීම සිදුකරන බව වැඩසටහන් ප්රධානී කාංචන තුඩුගල මහතා පෙන්වා දුන්නේය.
මීට අමතරව ලංකා ද්වාර ගෙවුම් බිහිදොරට මුදල් නොගෙවා ලබා ගත හැකි රාජ්ය සේවා කිහිපයක් ද ඇතුලත් කර ඇතැයි ICTA ආයතනයේ ප්රධාන විධායක නිලධාරී රෙෂාන් දේවපුර මහතා ප්රකාශ කලේය. දුම්රිය හා බස් රථ කාල සටහන්, ජාතික හැදුනුම්පත් ලබා ගැනීම සඳහා අයදුම්පත් ඉදිරිපත් කල අයගේ අයදුම්පතේ වත්මන් තත්වය, වාහන ආදායම් බලපත්ර ලබා ගැනිම එම සේවාවන් අතර වේ.
මෙරට රාජ්ය අංශය සතු එකම තොරතුරු තාක්ෂණ ගෙවුම් බිහිදොර වන ලංකා ද්වාර ගෙවුම් බිහිදොර ජනාධිපති මහින්ද රාජපක්ෂ මැතිතුමන්ගේ උපදෙස් අනුව සකස්කරන ලද්දේ ශ්රී ලංකා තොරතුරු හා සන්නිවේදන තාක්ෂණ නියෝජිතායතනය විසිනි. ඒ සඳහා සියලුම රාජ්ය ආයතන හා බැංකු ද සම්බන්ධ කෙරෙමින් පවතින බව රෙෂාන් දේවපුර මහතා වැඩිදුරටත් සඳහන් කලේය.
ලංකා ද්වාරය පිලිබද වැඩි විස්තර www.srilanka.lk වෙබ් අඩවිය ඔස්සේ ලබා ගත හැක.
Share Link: 
