තොරතුරු තාක්ෂණ ප්රථිලාභයන් අද සමස්ත සමාජයටම දායාදකර දීමට හැකියාව ලැබී තිබෙනවා - ජනාධිපති ලේකම්
සීමිත පිරිසක් එදා බුක්තිවිදි තොරතුරු තාක්ෂණ ප්රථිලාභයන් අද සමස්ත සමාජයටම දායාදකර දීමට හැකියාව ලැබී තිබෙන බව ජනාධිපති ලේකම් ලලිත් වීරතුංග මැතිතුමා පවසයි.
රූපවාහිනී යන්ත්රයකින් වත් පරිගණකයක් දැක නොතිබු ඈත ගම් දනව්වල දරුවන් පවා අද හරි හරියට පරිගණකයෙන් වැඩ කිරීම ඊට එක් උදාහරනයක් බවද වීරතුංග මැතිතුමා සදහන් කරයි.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) විසින් සංවිධානය කරන ලද “ඉ-ස්වාභිමාණී 2010” සම්මාන ප්රදානෝත්සවය අමතමින් වීරතුංග මැතිතුමා මෙම අදහස් පළ කළේය.
ආර්ථික සංවර්ධන අමාත්ය බැසිල් රාජපක්ෂ මැතිතුමා මෙහි ප්රධාන ආරාධිතයා වශයෙන් මෙම අවස්ථාවට සහභාගි විය.
නිර්මාණශීලි තොරතුරු තාක්ෂණ යෙදවුම් හා අන්තර්ගතයන් නිර්මාණය කරන ලද පුද්ගලයින් සහ සංවිධාන උදෙසා මෙම සම්මාන පිරිනැමිණි. තරග අංශ 11ක් යටතේ නාම යෝජනා 163ක් ලැබී තිබුණු අතර ඒ අතරින් ජයග්රාහනය කරන ලද 26 දෙනෙක් සදහා සම්මාන සහතික පිරිනමන ලදී
මෙරට ජාතික සංවර්ධනය සදහා තොරතුරු සන්නිවේදන තාක්ෂණය යොදා ගැනිම වෙනුවෙන් ලබා දුන් නායකත්වය සහ කැපවීම වෙනුවෙන් පිරිනැමෙන මහාචාර්ය වී.කේ. සමරනායක අනුස්මරණ සම්මානය කොළඹ දිසාපති ජේ. ඒ. ජේ සිල්වෙස්ටර් මහතා වෙත මෙහිදී පිරිනැමිණි.
බෝහෝ දෙනා තුල අදහස් සංකල්පනා සිතුවිලි තිබුනත් ඒවා යතාර්තයක් කර ගැනීමට සමත්කමක් නොදක් වන බව මෙහිදී කියා සිටි ලලිත් වීරතුංග මැතිතුමා මෙහිදී අද පිදුම් ලබන්නේ එය සපුරා ගත් පිරිසක් බව කීය.
ජනාධිපති මහින්ද රාජපක්ෂ මැතිතුමාගේ නිවැරදි දේශපාලන නායකත්වය නිසා රටට සාමය උදාකර ගැනීමට හැකිවු බව මෙහිදී කියා සිටි ලේකම්වරයා එවැනිම නිවැරදි දැක්මක් තොරතුරු තාක්ෂණ ක්ෂේත්රය සම්බන්ධයෙන්ද අනුගමනය කිරීම නිසා රටට විපුල ප්රයෝජන ලැබෙමින් තිබෙන බවද කීය.
අපේ රටේ ඉ- නිර්මාණකරුවන් විශාල පිරිසක් ඉ- ස්වාභිමාණී සදහා ඉදිරිපත් වීමෙන් අප රට තුල සිටින මානව සම්පතේ පිරිපුන් බව මෙන්ම නිර්මාණශීලි බවද අපට මැනිය හැකියි.නිපුන දිවයිනක් නිපුන මිනිසුන්ගේ උත්සහයක් ලෙස අනාගතයේදී ඉ- ශ්රී ලංකා වැඩසටහන මෙරට සංවර්ධන මාර්ග සිතියමේ රන් අකුරින් ලියවේවි. තොරතුරු තාක්ෂණයට සංවර්ධනය වේගවත් කල හැකි බව වටහා ගත් නායකයෙකු ඒ සදහා නායකත්වය ලබා දීම එම ඉතිහාසය තව තවත් වර්ණවත් කරාවි යැයි ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) ප්රධාන විධායක නිලධාරී රෙෂාන් දේවපුර මහතා මෙහිදී පැවැසීය.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) සභාපති මහාචාර්ය පී.ඩබ්ලිව් ඈපාසිංහ නියෝජිතායතනයේ වැඩසටහන් අධ්යක්ෂ නීති උපදේශක ජයන්ත ප්රනාන්දු ඇතුළු සම්භාවනීය අමුත්තන් විශාල පිරිසක් මෙම අවස්ථාවට සහභාගි වී සිටියහ.
Share Link: 
