ජංගම දුරකථනය ජනතාවගේ දෛනික ජීවන කටයුතු පහසු කිරීමේ ප්රධාන මෙවලමක් බවට අද පත්වී හමාර බව ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ ප්රධාන විධායක නිලධාරී රෙෂාන් දේවපුර මහතා පවසයි.
කොළඹදී පැවැති 2011 දකුණු ආසියානු ජංගම දුරකථන සමුළුව අමතමින් දේවපුර මහතා මෙම අදහස් පල කළේය.
ශ්රි ලංකා තොරතුරු හා සන්නිවේදන තාක්ෂණ නියෝජිතායතනය විසින් මෙම සමුළුව සංවිධානය කර තිබිණි.
ජංගම දුරකථන ක්ෂේත්රයට සම්බන්ධ දෙස් විදෙස් විශාල පිරිසකගේ සහභාගිත්වයෙන් මෙම සමුළුව ගලධාරී හෝටලයේ දී පැවැත්විණි.
මෙහිදී අදහස් දැක්වු රෙෂාන් දේවපුර මහතා මෙසේද කීය.
පසුගිය වසරටත් වඩා මෙම සමුළුව මෙවර සාර්ථක බව කිව හැකියි. මෙම කලාපයේ විශිෂ්ටතම ජංගම දුරකථන අන්තර්ගතයන් තෝරා ගැනෙන තරගය සදහා විශාල අයදුම්පත් ප්රමාණයක් ලැබීමෙන් එය තහවුරු වෙනවා.ලෝක ජනග්රහනයෙන් දත් බුරුසු පාවිච්චිකරන ප්රමානයටත් වැඩියෙන් අද ජංගම දුරකථන භාවිත කරන බවට දැන් මෙතනදී තොරතුරු අනාරණය වුනා. මෝටර් රථ නිෂ්පාදන කර්මාන්තයත් අභිබවමින් ජංගම දුරකථන කර්මාන්තය පෙරට විත් තිබෙන බවත් කියවුනා. මේ අන්දමින් බලන විට ජංගම දුරකථනය කොතරම් ජනතාවට සමීප වී තිබේද වටහා ගැනීමට අසීරු වන්නේ නැහැ.
ලංකාවෙත් මෙම ජංගම දුරකථන ක්ෂේත්රයේ සීග්ර වර්ධනයක් සිදු වී තිබෙනවා. විශේෂයෙන්ම ජනාධිපති මහින්ද රාජපක්ෂ මැතිතුමා තොරතුරු හා සන්නිවේදන තාක්ෂණ ක්ෂේත්රය ගැන ඉතා දුරදක්නා ණුවනකින් හා සුබවාදීව කටයුතු කිරීම නිසා එහි ප්රතිලාභ අද ජනතාව බුක්තිවිදිමින් සිටිනවා. තව දුරටත් එය පුඵල් කිරීමට මෙවැනි ජාත්යන්තර සමුළු ඉතා වැදගත් වේවි.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනය විසින් මෙය සංවිධානය කරනු ලබන අතර ශ්රි ලංකාවේ මෙම සමුළුව හා වැඩමුළුව පවත්වනු ලබන දෙවැනි අවස්ථාව වේ.
සීමිත පිරිසක් එදා බුක්තිවිදි තොරතුරු තාක්ෂණ ප්රථිලාභයන් අද සමස්ත සමාජයටම දායාදකර දීමට හැකියාව ලැබී තිබෙන බව ජනාධිපති ලේකම් ලලිත් වීරතුංග මැතිතුමා පවසයි.
