හයසිය එක්වන නැණසල මධ්යස්ථානය බදුල්ලේදී විවෘත කෙරේ
නැණසල දහස වැඞසටහන යටතේ 601 වන නැණසල මධ්යස්ථානය මෙම ජුනි මස 24 වන බ්රහස්ප්රතින්දා පෙරවරු 9 ට බදුල්ල සෙනරත් පරණවිතාන පුස්තකාලයේදී ජනතා අයිතියට පැවරේ.
ජනාධිපති මහින්ද රාජපක්ෂ මැතිතුමාගේ සංකල්පයක් වන ග්රාමීය ප්රජාව සදහා තොරතුරු හා සන්නිවේදන තාක්ෂණය රැගෙන යාම තවදුරටත් අර්ථවත් කරමින් මෙම නැණසල මධ්යස්ථානය විවෘත කෙරෙන බව ශ්රී ලංකා තොරතුරු හා සන්නිවේදන තාක්ෂණ නියෝජිතායතනය(ICTA) පවසයි.
බදුල්ල සෙනරත් පරණවිතාන පුස්තකාලය ඌව පළාතේ පළමු ශ්රේණියේ එකම මහජන පුස්තකාලය වන අතර මෙම නැණසල මධ්යස්ථානය විවෘත කිරීමත් සමගම එම පළාතේ ජනතාවට විශාල සේවාවක් සැලසෙනු ඇතැයි නියෝජිතායතනයේ මෙහෙයුම් ප්රධානී රෙෂාන් දේවපුර මහතා පවසයි.
අන්තර්ජාල පහසුකම්, ඊ- මේල් පහසුකම් , ජායා පිටපත්, පරිගණක සේවාවන්, තොරතුරු තාක්ෂණ පහසුකම්, කෘෂි කාර්මික තොරතුරු , ඇතුළු පහසුකම් හා තොරතුරු රැසක් මෙම නැණසල මධ්යස්ථානය හරහා ජනතාවට ලබා ගතහැකි වේ.
ඌව පළාත් ප්රධාන අමාත්ය ශෂීන්ද්ර රාජපක්ෂ මහතා අතින් එදින පෙරවරු 9ට යෙදෙන සුභ මොහොතින් නැණසල මධ්යස්තානය විවෘත කෙරෙන අතර බදුල්ල පුරපති නීතිඥ උපාලි නිශ්ශංක මහතා ඇතුළු සම්භාවනීය අමුත්තන් රැසක් මෙම අවස්ථාවට සහභාගි වේ.
නැණසල ග්රාමීය තොරතුරු තාක්ෂණ මධ්යස්තාන පිහිටුවීමේ ව්යපෘතිය ඉ- ශ්රී ලංකා ව්යාපෘතිය යටතේ ක්රියාත්මක කෙරේ.එය ලොව විශිෂ්ටතම ග්රාමීය ජනතා කේන්ද්රීය තොරතුරු තාක්ෂණ මධ්යස්ථාන ආකෘතිය ලෙස සම්මාන ලබා ඇත.
Share Link: 
