හම්බන්තොට දිස්ත්රික්කයේ හොදම ව්යවසායිකාවට හිමි සම්මානය සුරියවැව නැණසල මධ්යස්ථානයට පිරිනැමෙයි.
හම්බන්තොට දිස්ත්රික්කයේ හොදම ව්යවසායිකාවට හිමි සම්මානය සුරියවැව නැණසල මධ්යස්ථානයට පිරිනැමෙයි.
දිස්ත්රික්කයේ සේවා අංශයේ හොදම ව්යවසායිකාව ලෙස සුරියවැව නැණසල ක්රියාකාරිණී දිපිකා ප්රියදර්ශනී මහත්මිය තොරාගත් බව හම්බන්තොට වාණිජ හා කර්මාන්ත මණ්ඩලය ප්රකාශ කරයි.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනය ලබා දුන් මගපෙන්වීම තමන්ට මැවැනි සම්මානයක් ලබා ගැනීමට දායකවු බව සුරියවැව නැණසල ක්රියාකාරිණිය පැවසුවාය.
දිස්ත්රික්කයක හොදම ව්යාපාරයක් ලෙස නැණසල මධ්යස්ථානයක් තෝරාගත් ප්රථම අවස්ථාව මෙයයි.
ග්රාමීය ප්රජාව වෙත තොරතුරු තාක්ෂණ ප්රතිලාභයන් ලබාදීම සදහා ජනාධිපති මහින්ද රාජපක්ෂ මැතිතුමාගේ සංකල්පයක් අනුව බිහිවුණු නැණසල මධ්යස්ථාන ඉන් ඔබ්බට ගොස් ජනතා අපේක්ෂා ඉටු කරන සේවා ස්ථාන බවට පරිවර්ථනය වීම සුවිශේෂී සිද්ධියක් බව ICTA ආයතනයේ ප්රධාන මෙහෙයුම් නිලධාරී රෙෂාන් දේවපුර මහතා පෙන්වා දෙයි. නැණසල ලාභ ලබන ග්රාමීය ව්යාපාරයක් බවට පත්කිරීමට ඇති හැකියාව එමගින් සනාථ කර ඇතැයි ඔහු අවධාරණය කළේය.
රුහුණු විශ්ව විද්යාලයේ නියෝජ්ය උප කුලපති ගාමිණී සේනානායක හම්බන්තොට හැටන් නැෂනල් බැංකු කළමනාකරු බී.එස්.කේ. ජයතිලක යන මහත්වරුන් අතින් දීපිකා ප්රියදර්ශනී මහත්මිය එම සම්මානය ලබා ගත් අයුරු ජායාරූපයේ දැක්වේ.
Share Link: 
