இலங்கை கட்டணம் செலுத்தும் நுழைவாயிலை நாளாந்தம் பயன்படுத்துவோரின் எண்ணிக்கை, மூவாயிரத்தை தாண்டியுள்ள

இணையத்தினூடாக வீசா வழங்கும் போது கட்டணங்களை லங்கா கேட் கட்டணம் செலுத்தும் நுழைவாயிலினூடாக இடம் பெறுவதாக இலங்கைத் தகவல் தொடர்பாடல் தொழில்நுட்ப முகவர் நிலையம் தெரிவித்துள்ளது. இலங்கையின் முதலாவது அரச துறை தகவல் தொழில்நுட்ப கொடுப்பனவு செலுத்தும் நுழைவாயிலான லங்கா கேட் கொடுப்பனவு செலுத்தும் நுழைவாயில் வெற்றிகரமான முறையில் இயங்குவதாக குடிவரவு மற்றும் குடியகழ்வு திணைக்களம் தெரிவித்துள்ளது. இலங்கைத் தகவல் தொடர்பாடல் தொழில்நுட்ப முகவர் நிலையத்தின் மூலம் தயாரிக்கப்பட்ட லங்கா கேட் தகவல் தொழில்நுட்ப கொடுப்பனவு செலுத்தும் நுழைவாயிலின் மூலம் எதிர்காலத்தில் சகல சேவைகளுக்குமான கொடுப்பனவுகளை செலுத்த முடியும் என்று இலங்கைத் தகவல் தொடர்பாடல் தொழில்நுட்ப முகவர் நிலையத்தின் தலைவரும், ஜனாதிபதியின் ஆலோசகருமான, பேராசிரியர் P.W. அப்பாசிங்ஹ தெரிவித்துள்ளார். கேட்வ்வருட முதல் பகுதியிலிருந்து இலங்கைக்கு வரும் சகல சுற்றுலாப்பயணி;களும் இணையதளத்தினூடாக விஸா அனுமதிப் பத்திரத்தை பெற்றுக் கொள்வது கட்டாயமாக்கப்பட்டுள்ளது. லங்கா கேட் கட்டணம் செலுத்தும் நுழைவாயிலினூடாக நான்கு நாட்களில் 24ஆயிரம் சுற்றுலாப்பயணிகள் விஸா அனுமதிப்பத்திரததிற்கான கட்டணங்களை செலுத்தியுள்ளார்கள் என்று முகவர் நிலையத்தின் தலைவர் குறிப்பிட்டார். மிகப் பாதுகாப்பாகவும், இலகுவாகவும் லங்கா கேட்ட மூலம் இதற்கான நிதி செலுத்தத் தேவையான நடவடிக்கைகள் மேற்கொள்ளப்பட்டுள்ளதாக பேராசிரியர் P.W. அப்பாசிங்ஹ கூறினார். விஸா அனுமதிப்பத்திரம் பெற நாளொன்றிற்கு மூவாயிரம் வெளிநாட்டவர்கள் லங்கா கேட் மூலம கட்டணம் செலுத்துவதாக நிகழ்சிப் பிரிவின் தலைவர் கான்சன துடுகல சுட்டிக்காட்டினார்.இதேவேளை, லங்கா கேடகட்டணம் செலுத்தும் நுழைவாயிலில் கட்டணம் செலுத்தாது பெற்றுக் கொள்ளக்கூடிய, அரச சேவைகள் பலவும் அடங்குவதாக லங்கைத் தகவல் தொடர்பாடல் தொழில்நுட்ப முகவர் நிலையத்தின் பிரதம நிறைவேற்று அதிகாரி ரெஷான் தேவப்புர தெரிவித்தார். ரயில் மற்றும் பஸ் நேர அட்டவணை, தேசிய அடையாள அட்டையை பெறுவதற்காக விண்ணப்பிக்கப்பட்ட விண்ணப்பத்தின் நிலை, வாகன வருமான அனுமதிப்பத்திரத்தை பெறுதல் என்பவற்றை இதன் மூலம் இலவசமாக பெறமுடியும். இலங்கையின் அரச துறையின் ஒரேயொரு தகவல தொழில்நுட்ப கட்டண நுழைவாயிலான லங்கா கேட் கட்டணம் செலுத்தும் நுழைவாயில், ஜனாதிபதி மஹிந்த ராஜபக்ஷவின் ஆலோசனைக்கு அமைய இலங்கை தகவல் தொடர்பாடல் தொழில்நுட்ப முகவர் நிலையத்தால் தயாரிக்கப்பட்டதாகும் .இதனுடன் சகல அரச நிறுவனங்களும் மற்றும் வங்கிகளும் இணைக்கப்பட்டு வருவதாகவும் திரு. ரெஷான் தேவப்புர மேலும் தெரிவித்தார்;. லங்கா கேட் தொடர்பான மேலதிக தகவல்களை www.srilanka.lk என்ற இணையதளத்தினூடாக பெற்றுக்கொள்ள முடியும்.