ශ්‍රී ලංකාවේ තොරතුරු හා සන්නිවේදන තාක්ෂණ (ICT) අංශය, සේවකයන් 90,000 වැඩි ප්‍රමාණයකට රැකියා සපයන අතර (2013 තොරතුරු හා සන්නිවේදන තාක්ෂණ ශ්‍රම බලකාය පිළිබඳ සමීක්ෂණය) 2013 වර්ෂයේ දී එක්සත් ජනපද ඩොලර් මිලියන 720ක අපනයන ආදායමක් උපයා තිබේ. මෙම වැඩ සටහනනේ සමාන්තර අරමුණු වන්නේ දේශීය තොරතුරු හා සන්නිවේදන තාක්ෂණ අංශයට මෙන් ම ශ්‍රී ලංකාවේ තොරතුරු හා සන්නිවේදන තාක්ෂණ අපනයන කර්මාන්තයට ආධාර කිරීමයි.
රටේ තොරතුරු හා සන්නිවේදන තාක්ෂණ මූලෝපාය සකස් කිරීමේ දී තොරතුරු හා සන්නිවේදන තාක්ෂණ අංශයේ (ICT) හා ව්‍යාපාර ක්‍රියාවලි බාහිරකරණ (BPO) ආයෝජන සඳහා සන් නාමයක් ස්ථාපිත කිරීම තීරණාත්මක වේ. මෙම මූලෝපාය දෙකේ මූලික අරමුණු වන්නේ යෝධ තොරතුරු හා සන්නිවේදන තාක්ෂණ සැපයුම්කරුවන් අතර කුඩා හා මධ්‍යම පරිමාණ ව්‍යවසාය සඳහා තරගකාරී වෙළඳපොළක් ගොඩ නැගීම හා තොරතුරු හා සන්නිවේදන තාක්ෂණ නිෂ්පාදන, සේවා හා ආයෝජන සඳහා වූ අනගි ස්ථානයක් ලෙස ශ්‍රී ලංකාවට කීර්තියක් ලබා දීමයි. කර්මාන්ත සංවර්ධන වැඩසටහන සඳහා සකස් කළ මූලෝපායන් ශ්‍රී ලංකාවේ තොරතුරු හා සන්නිවේදන තාක්ෂණ අංශයට ද යොදා ගන්නා අතර එය ශ්‍රී ලංකාවේ ආර්ථික වර්ධනයට ධනාත්මක බලපෑමක් වනු ඇත.
